Pse shtoni peshë kur ndaloni pirjen e duhanit?

Shumë prej atyre që ndalojnë duhanin kanë frikë se do të shtojnë peshë me mendimin se tani do të fillojnë të hajnë ushqime të tjera si pasojë e mungesës së duhanit.

Çfarë i bën ata të hanë më shumë në këtë situatë?

Një studim i fundit tregoi se shkaktari mund të jetë truri ynë, i cili dëshiron të kompensojë mungesën e papritur të nikotinës në trup duke kërkuar ushqim të pashëndetshëm.

“Ne kemi hetuar nëse mungesa akute e nikotinës shkakton rritje të marrjes së ushqimit të pashëndetshëm dhe si përfshihen receptorët përgjegjës për lehtësimin e stresit”, ka thënë autori i studimit psikologu Mustafa al’Absi.

Studiuesit testuan një grup duhanpirësish dhe jo duhanpirësish mes moshës 18 dhe 75-vjeç. Të gjithëve iu tha të mos e kunsumojnë duhanin për 24 orë. Gjithashtu, disa morën 50 miligramë naltrexone, një ilaç që jepet për të trajtuar varësinë, dhe të tjerë morën një placebo.

Studiuesit thonë se kanë dhënë ilaçin për të normalizuar marrjen e kalorive të duhanpirësve me atë të jo duhanpirësve. Pjesëmarrësve më pas iu kërkua të zgjedhin ushqime që ishin të shëndetshme dhe jo të shëndetshme. Duhanpirësit, të cilët nuk e kanë marrë ilaçin e përmendur, më shpesh iu drejtohen opsioneve jo të shëndetshme, shkruan Eat This.

“Kërkimet kanë treguar se është e mundur që njerëzit të arrijnë drejt ushqimeve me kalori të lartë për të reduktuar efektet negative dhe stresin që vjen nga mungesa e nikotinës kur ndalojnë duhanin”, thotë al’Absi.

Nivelet e stresit mund të ndikojnë në dëshirën për ushqime të pasura me yndyrë dhe sheqer. Një studim tjetër tregoi se ushqimet e pashëndetshme mund të shkaktojnë çlirimin e dopaminës (hormon i lumturisë) të ngjashme me atë kur konsumojmë nikotinë.

In : Aktuale

Loading...
loading...