Mëngjesi është vakti i parë i ditës dhe mundësia për t’i dhënë trupit tuaj energjinë që të përballojë ditën
I mbani mend gjyshet kur këmbëngulnin për rëndësinë e një mëngjesi të plotë? Epo kanë patur një të drejtë. Pavarësisht se preferoni të ëmblat apo të kripurat, të ngrohtat apo të ftohtat, ka disa ushqime që duhet t’i përfshini patjetër. Gjithçka lidhet me balancimin e karbohidrateve, sheqernave, yndyrave apo proteinave me mineralet dhe vitaminat e duhura. KOHA ju sugjeron disa ndryshime të vogla por që do të kenë rezultate fantastike në organizmit tuaj.
SIGUROHUNI QË TË KONSUMONI YNDYRNA TË SHËNDETSHME. Yndyrnat nuk vijnë vetëm nga gjërat e skuqura, të cilat le të themi të vërtetën që nuk janë shumë të mira për organizmin. Por ka një grup prej tyre të cilat vijnë nga baza bimore të cilat janë shumë të domosdoshme për organizmin. Këto yndyrna janë thelbësore për funksionin e trurit, niveleve të energjisë, shëndetit të flokut, lëkurës dhe thonjve. Ushqime si avokadot, farat chia, farat e linit, bajamet, shqemet, vaji i peshkut apo vezët janë të pasura pikërisht me këto yndyrna mirëbërëse.
. Dietat na kanë bërë të mendojmë se karbohidratet janë fajtore për shtimin në peshë, por faktikisht nëse konsumohen siç duhet ato nxisin rënien nga pesha. Karbohidratet mund t’i gjeni edhe tek perimet apo frutat gjë që ju jep mundësinë që të jeni akoma edhe më të shëndetshëm.
MBUSHENI PJATËN ME PROTEINA. Shumë persona pa e ditur vuajnë nga mungesa e proteinave duke ndikuar në masën muskulore dhe shëndetin e organeve. Proteinat që nuk duhet t’i ndani gjatë mëngjesit tuaj janë: vezët, gjalpi i kikirikut, kosi…
MOS HARRONI VITAMINAT DHE MINERALET. Mëngjesi është vakti i parë i ditës dhe mundësia për t’i dhënë trupit tuaj energjinë që të përballojë ditën. Nëse ju përfshini produkte të pasura me vitamine dhe minerale ju e ushqeni organizmin dhe e ndihmoni atë që të jetë i shëndetshëm. Gjithashtu, ju sugjerojmë që të tregoheni të vëmendshëm që ushqimet që përfshini të jetë edhe të plotë. Pra zgjidhni boronica, banane, fara kërpi, selino, fiq, mollë.
