Me 64 vota “pro” dhe asnjë votë kundër apo të përmbajtur, Kuvendi i Republikës miratoi sot ndryshimet dhe plotësimet e Ligjit për Automjete, në procedurë të shkurtuar, gjatë vazhdimit të seancës së 59-të parlamentare.
Qëllimi i këtij ndryshimi ligjor është të lehtësojë ndjeshëm procesin e regjistrimit të automjeteve, duke i dhënë stacioneve të kontrollit teknik të drejtën të lëshojnë vërtetim për automjetet e regjistruara, bazuar në kritere të përcaktuara paraprakisht.
Automjeti do të identifikohet përmes vulës në lejen e qarkullimit dhe regjistrimi nuk do të kufizohet më vetëm në afërsi të vendbanimit të pronarit, por do të mund të kryhet në të gjithë territorin e vendit.
Në të njëjtën ditë, deputetët vijuan edhe me punimet e mbetura nga seancat e mëparshme (43, 51, 55, 59 dhe 60). Gjatë seancës së 60-të, përfundoi debati i përgjithshëm për ndryshimet në Ligjin për Policinë në lexim të parë, i cili tani kalon për shqyrtim të mëtejshëm në Komisionin për Mbrojtje dhe Siguri dhe në Komisionin Juridik-Ligjdhënës.
Ministri i Punëve të Brendshme, Pançe Toshkovski, theksoi se ndryshimet nuk janë të gjera, por janë të rëndësishme dhe përfaqësojnë vazhdim logjik të Ligjit të ri për Punët e Brendshme, në përputhje me konceptin modern të organizimit dhe menaxhimit të strukturave policore.
