Rrahje mes dy familjeve në Spitalin e Qytetit të Shkupit, ndërhyri policia (VIDEO)

Në Spitalin e Qytetit të Shkupit dje pasdite ka ndodhur një incident mes dy familjeve, ku pas rrahjes midis tyre ka ndërhyrë edhe policia.

Sipas njoftimeve të para të MPB-së, përleshja fizike ka ndodhur pas një aksidenti, ku ka pësuar një fëmijë. Siç mësohet, familjarët e fëmijës kanë sulmuar shoferin e makinës, që më pas këtij të fundit t’i vijnë në ndihmë familjarë të tij, përcjell INA.

Dhuna ka eskaluar dhe se policia ka qenë e detyruar për të ndërhyrë, me ç’rast janë ndaluar pjesëtarë nga të dyja familjet për ushtrim të dhunës. (INA)