Nivelet e lumenjve në Maqedoni janë në kuadër të mesatares për muajin maj dhe kryesisht janë rritur në krahasim me ditën e djeshme, tregojnë matjet e fundit të Drejtorisë për Punë Hidrometeorologjike (DPHM). Përjashtim janë Vardari në vendet matëse në Jegunoc dhe Shkup ku ka zvogëlim të vogël prej nivelit në krahasim me ditën e djeshme, njëjtë edhe në Kriva Rekë në Kriva Pallankë dhe Bregallnicë në Berovë. Nivelet, nga ana tjetër, të tre liqeneve natyrale janë të njëjta sikurse dje dhe janë më të mëdha se mesatarja më shumëvjeçare për këtë muaj.
