Kryeministri i Kosovës, Ramush Haradinaj sot informoi se rruga Prishtinë – Shkup, përmes Kaçanikut dhe Hanit të Elezit, do të lëshohet në qarkullim me siguri më 1 qershor, lajmëroi korrespondenti i MIA-s nga Prishtina.
Në konferencë për media pas seancës së sotme qeveritare, Haradinaj deklaroi se sipas informacionit që e ka marrë nga ministri i Infrastrukturës Pal Lekaj, punët në këtë rrugë do të përfundojnë deri më 1 qershor, sepse punohet në dy turne.
Kjo rrugë u mbyll më 8 maj me qëllim që të zgjidhen problemet me vende ku shpesh herë ka rrëshqitje të dheut dhe fillimisht është paralajmëruar se punët do të zgjasin një muaj.
