Shofer nga Tetova kapet duke drejtuar “Porsche” pa patentë – policia ia sekuestron veturën

Më 08.02.2026, rreth orës 00:20, në bulevardin “Blagoja Toska” në Tetovë, zyrtarë policorë nga Stacioni Policor për Siguri në Komunikacionin Rrugor – Tetovë e kanë privuar nga liria R.I. (27) nga fshati Trebosh.
Gjatë një kontrolli në komunikacion, policia ndaloi një veturë të tipit “Porsche” me targa të Tetovës, ku u konstatua se drejtuesi i mjetit po voziste pa leje drejtimi (pa patentë shoferi).
Me urdhër të prokurorit publik, vetura është sekuestruar, ndërsa pas dokumentimit të plotë të rastit, ndaj të dyshuarit do të ngrihet kallëzim përkatës.
Apel institucional: Drejtimi i mjetit pa patentë përbën rrezik serioz për sigurinë në trafik. Policia paralajmëron kontrolle të shtuara në orët e natës dhe masa të rrepta ndaj shkelësve.