Sindikata e Arsimit dhe Shkencës nuk e pranon propozimin e Qeverisë për rritje të pagave në këtë sektor për 10 për qind, nga muaji prill i vitit të ardhshëm.
Pas mbledhjes së mbajtur gjatë ditës së sotme, ata kanë marrë vendim ku Ministrisë së Arsimit dhe Shkencës i japin hapësirë kohore prej 15 ditësh për ta pranuar kërkesën e tyre për rritjen e pagave për 25% edhe atë nga muaji janar i vitit 2020. Në të kundërtën, prej datës 11 të muajit nëntor, SASHK kërcënohet me grevë gjenerale.
