Sot, Struga ishte mikpritëse e një vizite të nivelit të lartë, ku deputeti i Besës dhe i koalicionit “Vlen”, Adnan Azizi, i shoqëruar nga drejtori i “Rrugët e Maqedonisë”, Nuredin Fetai, zhvilluan takime me rëndësi për qytetarët e zonës.
Gjatë diskutimeve, u trajtuan çështje që lidhen me situatën aktuale politike dhe projektet që mund të sjellin përfitime të prekshme për banorët e Strugës. Z. Azizi vuri theksin te rëndësia e përfaqësimit të përgjegjshëm dhe përkushtimit për të mirën e përbashkët.
Në përfundim të vizitës, z. Azizi shprehu vlerësimin për Strugën dhe qytetarët e saj me fjalët: “Struganët gjithmonë flasin me qetësi dhe vendosmëri!” – duke nënvizuar rolin dhe seriozitetin e këtij komuniteti në përballjen me sfidat.
Vizita u konsiderua një mundësi e rëndësishme për të forcuar bashkëpunimin institucional dhe për të hapur rrugën drejt projekteve që do të ndikojnë pozitivisht në jetën e përditshme të qytetarëve të Strugës.
