Shkrimtari Fejzi Bojku dhe politikologu Ylber Sela janë fitues të çmimit shtetëror “22 nëntori”. Çmimi iu nda për mirënjohjen nga jeta politike, kulturore dhe shoqërore dhe kontributin e dhënë në avancimin e bashkëjetesës ndërnjerëzore dhe mirëkuptimit të ndërsjellë ndërmjet pjesëtarëve të komuniteteve, kulturave dhe feve të ndryshme në Republikën e Maqedonisë së Veriut.
“Pa alfabet dhe pa shkronja do të ishim një popull pa vend të caktuar ,një popull pa kultur të caktuar, pa perspektivë të ardhshme. Ditët e alfabetit dhe vendimet e Kongresit të Manastirit para 113 viteve në një mënyrë të veçantë flasin edhe për atë se jeta jonë e përbashkët është zhvilluar në këto troje të përbashkëta” – tha shkrimtari Fejzi Bojku.
“Besoni se ky çmim është përgjegjësi edhe më e madhe për mua dhe besoj që këtë angazhim që kam bërë deri më tani, me këtë çmim do ta bëj edhe më tepër” – deklaroi politokologu Ylber Sela.
Kryetari i Këshillit për ndarjen e çmimeve shtetërore “22 Nëntori” Etem Aziri, inkurajoi për interes më të madh për paraqitje në konkurset e hapura për këtë çmim shtetëror, pasi që siç tha, konkurrenca në paraqitjen e fundit për çmimin në fjalë, ishte modeste. ( TVM2)
