Sonte në orën 22 në Maqedoninë e Veriut u regjistrua tërmet.Epiqendra sipas këtyre informacioneve, ndodhet rreth 15 kilometra në veri të Tetovës, në komunën e Tearcës. Banorët e qytetit dhe zonave përreth tregojnë se atje tërmeti është ndjerë si një lëkundje shumë e fortë, e cila ka shkaktuar rënien e sendeve nga raftet dhe ka zgjatur rreth dhjetë sekonda.
Në rrjetet sociale, qytetarët raportojnë se e kanë ndjerë lëkundjen e fortë në orën 22:06. Në disa pjesë të Shkupit, qytetarë të shqetësuar kanë dalë në rrugë, ndërsa lëkundjet kanë qenë më të theksuara në katet e larta të ndërtesave.
Sipas dëshmive, tërmeti është ndjerë në gjithë Maqedoninë Perëndimore dhe Qendrore.
Priten të dhëna zyrtare nga Observatori Sizmologjik për këtë tërmet.
