Këtë fundjavë, në qytetin Aarau të Zvicrës, boksieri ynë Alim Nasufi shkëlqeu në kategorinë 75 kg, duke marrë një fitore të rëndësishme në turneun prestigjioz “The Story”. Përballë tij u vendos italiani Francesco Anniceli, një kundërshtar i fortë dhe me përvojë.
Gjatë tre raundeve të luftuara me intensitet të lartë dhe shpirt garues, të dy boksierët shkëmbyen goditje të fuqishme, por momenti vendimtar erdhi në raundin e dytë, kur Nasufi arriti të shënojë një KnockDown, duke e dërguar në dysheme kundërshtarin italian.
Pas përfundimit të raundit të tretë, gjyqtarët dhanë vendimin me unanimitet, duke shpallur fitues Alim Nasufin—një triumf i merituar për boksierin shqiptar.
@kb.sindi @nasuf1_alim
Nasufi përfaqësoi me sukses KB Sindi, nën drejtimin e trajnerëve Resmi Zhuta, ish-boksier i dalluar i klubit, dhe Skender Jahiu, ish-boksier dhe ish-trajner i reprezentacionit të Maqedonisë, të cilët sot jetojnë dhe veprojnë në Zvicër.
Një falënderim i veçantë shkon për të gjithë pjesëmarrësit që e mbështetën boksierin tonë, si dhe për sponsorët që ndihmuan këtë sukses:
Lilie Garage, BA Partner AG, EMBLA Hotel & Spa, Trim & Lum.
Një fitore e madhe për Alim Nasufin dhe një histori tjetër suksesi për sportin tonë!
