Kryeministri Zoran Zaev konsideron se nuk ka arsye për mbyllje të serishme të kufirit me Kosovën sepse Komisioni Për Sëmundje Infektive, nuk ka konstatuar se infektimet vijnë nga Kosova, përkundrazi janë brenda vendit, raporton Shenja. Mirëpo nëse konstatohet e njejta, Zaev shtoi se ka arsye për ta mbyllur sërish kufirin.
“Komisioni për Sëmundje Infektive e analizon situatën, dhe konstaton nëse ka apo jo arsye për mbyllje të kufirit. Në rast se infektimi paraqitet për shkak të udhëtimeve me Kosovën, atëherë ka arsye për mbyllje, por në rast se përhapja e virusit vjen nga brenda, atëherë nuk shohim arsye për mbylljen e kufirit”, deklaroi Zaev.
