Në Ohër në njësinë rajonale të Entit Shtetëror të Statistikave është vendosur tabela në dy gjuhë e këtij institucioni: maqedonisht dhe shqip.
Megjithatë portale të caktuara në gjuhën maqedonase kanë reaguar për këtë duke thënë se tabela është në kundërshtim me ligjin, pasi që në Ohër nuk jetojnë mbi 20 për qind shqiptarë, përcjellë INA. Sipas tyre, në Ohër jetojnë vetëm 7 për qind shqiptarë sipas regjistrimit të vitit 2002. Ato kanë cituar edhe një deklaratë të kryeministrit Zoran Zaev, i cili ka thënë se nuk ka gjasa që të aplikohet dygjuhësia në qytete ku shqiptarët nuk janë mbi 20 për qind.
