Paralajmërime për acar të madh: Temperatura deri në -11C dhe dimër më i ftohti në 5 vitet e fundit
Publikuar: 23:12, 15 Nëntor, 2017
Meteorologët parashikojnë se dimri sivjet do të mbërrijë më herët, duke vënë theksin tek Mbretëria e Bashkuar e cila sipas tyre do të ‘qëllohet këtë javë nga ky mot i ftohtë’.
Ekspertët e motit paralajmërojnë britanikët, se duhet të përgatiten për dimrin më të ftohtë që nga vitet 2012-2013, me temperatura që do bien nën -10 gradë celsius gjatë dhjetorit dhe janarit.
Meteorologu i njohur i Anglisë Alan Reppert tha: “Dëbora dhe akulli do të jenë një kërcënim shumë më i lartë këtë dimër dhe mund të ndikojnë në Londrën, transmeton gazetametro.net.
Të gjitha zonat e qarkut mund të preken, duke përfshirë edhe Anglinë e Jugut.
Atë dimër, temperaturat ranë në -14C duke bërë që edhe rrugët dhe hekurudhat të ngrijnë.
Ndërsa edhe meteorologu i kompanisë Weather Company Todd Crawford tha: “Ne presim dimrin më të ftohtë në Britani të Madhe që nga 2012-13.
Rreth 31,100 njerëz vdiqën gjatë dimrit të 2012-13, sipas shifrave nga Zyra për Statistikat Kombëtare (ONS), e cila ishte një rritje prej 29 përqind krahasuar me dimrin e kaluar. Shumica e vdekjeve ndodhën në mesin e atyre të moshës 75 vjeç e lart.
Ndërkaq, Sistemi Amerikan i Parashikimit të Klimës i cili ka publikuar disa informacione se si do jetë dimri në Evropë, përditësohet rregullisht, por në balancim ka sugjeruar një tjetër dimër të butë.
Pavarësisht nga ajo që tregojnë, niveli i aftësive të modeleve sezonale për Britaninë e Madhe dhe Evropën Veri-perëndimore është ende i ulët. Me fjalë të tjera ato nuk janë shumë të sakta, derisa të dalin disa nga sistemet tjera të parashikimeve me rezultatet e tyre.
Vitin e kaluar, dimri 2016 – 2017 ishte më i ashpër duke shënuar temperature të ulëta.
