Ekipi i televisionit Telma ka realizuar reportazhe në Klinikën Infektive në Shkup, ku kanë paraqitur pamje tmerruese nga të sëmurit me virusin COVID-19.
Kumanovari Zaim Selmani nga Kumanova ka folur haptas para kamerave. Si prind i dy fëmijëve, ka qenë i hospitalizuar në gjendje të rëndë – me 99 për qind mosfunksionim të mushkërive shkaku i virusit. Si shumë të tjerë, ai nuk kishte besuar se koronavirusi ekziston.
“Erdha i vdekur. Mjekët më shpëtuan jetën. I falenderoj Zotit. Tash më presin fëmijët në shtëpi”, thotë Selmani derisa nuk i përmban lotët.
