15 koalicione e parti për t’i rrethuar, ja numrat e tyre

Në garën për zgjedhjet e parakohshme parlamentare të 15 korrikut në Maqedoninë e Veriut do të garojnë 15 koalicione e parti me 1578 kandidatë për deputetë.

Sipas të dhënave të KSHZ-së, bëhet fjalë për 903 kandidatë meshkuj dhe 675 femra, ndërsa për nga mosha 795 kandidatë janë midis 30 dhe 49 vjeç, përcjell INA.

Partitë në fletat e votimit i kanë këto numra dhe se qytetarët përcaktohen se cilin e rrethojnë:

1. Partia Demokratike Shqiptare – PDSH
2. Partia politike Demokratët
3. LSDM dhe koalicioni Mundemi
4. E majta
5. Aleanca për Shqiptarët dhe Alternativa
6. Zëri për Maqedoninë
7. Unioni Demokratik Qytetar – GDU
8. Integra
9. Bashkimi Demokratik për Integrim
10. Unioni Socialdemokrat – SDU
11. Asnjëherë Veriore, vetëm Maqedoni
12. MORO partia punëtore
13. Partia Popullore Rome
14. VMRO-DPMNE dhe koalicioni për Përtëritjen e Maqedonisë
15. Partia Jote

Shumica e këtyre partive do të garojnë në gjashtë njësitë zgjedhore, me listat e tyre me kandidatë. (INA)