Strugë, 13 Qershor 2024 – Shkollat fillore në fshatrat e ish-komunës së Dollogozhdës në Strugë po përballen me një rënie të ndjeshme të numrit të nxënësve. Kjo tendencë vazhdon të jetë e pranishme edhe këtë vit në shkollën “Nuri Mazari” në Dollogozhdë, ku regjistrimi i nxënësve në klasën e parë tregon një situatë shqetësuese.
Sipas të dhënave të fundit, numri i nxënësve të regjistruar në klasën e parë në shkollën “Nuri Mazari” dhe shkollat e tjera të fshatrave që gravitojnë rreth saj është si vijon:
- Dollogozhdë: 17 nxënës
- Livadhi: 7 nxënës
- Koroshishtë: 13 nxënës
- Zhepin: asnjë nxënës
- Pohum: 1 nxënës
Krahasuar me vitet e kaluara, këto shifra konfirmojnë një rënie të vazhdueshme të numrit të nxënësve, duke reflektuar sfidat demografike dhe sociale me të cilat përballen këto komunitete. Zbritja e numrit të nxënësve në fshatrat e Strugës kërkon vëmendje dhe ndërhyrje nga autoritetet lokale dhe arsimore për të gjetur zgjidhje efektive që do të ndihmojnë në stabilizimin dhe përmirësimin e situatës në të ardhmen.
Autoritetet shkollore dhe komuniteti janë në përpjekje për të adresuar këto sfida dhe për të krijuar kushte më të mira për edukimin e fëmijëve në këto zona. Ndërhyrjet e mundshme përfshijnë programe mbështetëse për familjet, investime në infrastrukturën arsimore dhe inkurajimin e pjesëmarrjes aktive të prindërve dhe komunitetit në procesin arsimor.(Strugalajm.com)
