Rezultatet e analizave që janë bërë në laboratorin e ASHAM kanë treguar se tek ne nuk ka mutacion të koronavirusit, të ngjashëm me variantin që u shfaq në Britani të Madhe, njoftoi ministri Venko Filipçe.
“I njëjti virusi është ende i pranishëm, kjo nuk është sinjal për të zbutur masat. Megjithëse numri i personave të infektuar rishtazi po bie, ne ende duhet të jemi të kujdesshëm, sepse tani shkollat kanë filluar të funksionojnë përsëri. Të gjitha masat e mbrojtjes mbeten. Javën e ardhshme do të analizojmë situatën dhe bazuar në atë do të sjellim masa dhe rekomandime të tjera, tha Filipçe.
Ministri Filipçe ka folur edhe për imunizimin.
-Mendoj se ne këtu shumë mirë mund ta zhvillojmë procesin e imunizimit, dhe falënderojë për ftesën, por ne do të mbetemi këtu për t`i vaksinuar qytetarët tanë me prioritet siç janë definuar grupet, tha ministri i Shëndetësisë Venko Filipçe, i pyetur nëse personeli mjekësorë do të vaksinohet jashtë vendit, transmeton Alsat. Filipçe vonesën e procesit të imunizimit kundër Covid-19 në vendin tonë e arsyetoi me presioni që po i bëhet kompanisë Pfizer nga të gjitha vendet.
