Aeroporti ndërkombëtar i Rinasit po përgatitet të presë për herë të parë udhëtimet transoqeanike në verën e vitit 2025.
Në kantier po vijojnë punimet për të zgjeruar pistën, terminalin dhe njëkohësisht për krijimin e vendqëndrimeve të reja, që do të akomodojnë avionët që vijnë nga përtej Atlantikut.
“Është kënaqësi shumë e madhe që të shikojmë sesi strategjia e Qeverisë Shqiptare për ngritjen e aviacionit civil në një shkallë tjetër ka filluar të implementohet dhe tashmë është e materializuar”, deklaroi disa javë më parë Belinda Balluku.
Me investimet e reja, aeroportit të Rinasit do t’i shtohen kapacitet përpunuese dhe do të jetë i aftë të presë deri në 30 mijë pasagjerë në një orë.
