“Se BDI, po i shfaq shenjat e para të frikës nga humbja e thellë, flasin reagimet e kësaj partie, të shkruara pa bazë! Në fakt edhe duhet të kenë frikë, sepse po afrohet dita ku forca e pushtetit është tek sovrani i cili me padurim e pret datën e 12 prillit për ta sjellë ndryshimin.”, reagon Aleanca për Shqiptarët.

Sipas ASH, për gjithë këto vite pushtet kjo parti është përqafuar herë me VMRO-në herë me LSDM-në duke u bërë shërbëtor  vetëm për të qenë pjesë e pushtetit. Dhe kjo është dëshmuar nga vetë ata disa herë. “12 prilli do të shkruajë epokë të re për shqiptarët në vend, shpresë dhe jetë për të gjithë e jo vetëm për ushtarët partiak të kësaj partie. Sepse ndryshimi do të vijë si pasojë e politik bërjes së keqe për vite me radhë, sepse askush nuk është kundër jush si individë, por është kundër politikës tuaj dëmprurëse. Nuk ekziston më ai “lider opozitar” që do ta mbajë gjithmonë BDI-në në pushtet, sepse është koha që vetë BDI të jetë opozitë.”, thekson ASH