Një burrë nga Virginia tha se një udhëtim në dyqan që filloi me një shaka rreth fitimit të lotarisë përfundoi me fitimin e një xhekpoti prej 1 milion dollarësh.
George Hurt u tha zyrtarëve të Lotarisë së Virginias se ai dhe dy kolegë shkuan në 604 Minute Market në Cloverdale Road në Roanoke gjatë pushimit të tyre të drekës dhe bëri shaka me ta duke pohuar “se do ta fitojë lotarinë”.
Shakaja e Hurt u kthye në profetike kur bleu katër bileta gërvishtëse dhe njëra prej tyre, një lojë e Virginia Millions, doli të ishte një fitues i çmimit kryesor prej 1 milion dollarësh.
“Unë jam provë që lutjet marrin përgjigje”, tha ai.
Hurt zgjodhi t’i merrte fitimet si një pagesë të njëhershme, një shumë prej 571 mijë dollarëve para taksave, raporton upi.com.
Ai nuk ka treguar nëse ka ndonjë plan të menjëhershëm për paratë.
