Sekretari organizativ dhe deputeti i BDI-së, Artan Grubi ka theksuar se në BDI jo për 50 euro, por edhe për 5 euro jepet llogari dhe përgjegjësi, raporton IRL.mk. Kjo deklaratë e tij vjen pas dorëheqjes së zv/ministrit të shëndetësisë, Asim Musa nga radhët e BDI-së, pas emisionit “Fiks Fare” në Shqipëri, ku ai ishte xhiruar teksa po merrte 50 euro nga një pacient. “Në BDI sot dëshmuam se jepet llogari jo për 50 euro, por për 5 euro , dhe mos të flasim për Luj Viton çanta. 
Ne nuk jemi si të tjerët. I bëjmë thirrje mediave që të denoncojnë secilin keqpërdorim të funksionarëve dhe jemi partner të shoqërisë civile dhe medias në ndërtimin e një shoqërie ku nuk ka drejtësi selektive”, theksoi Grubi.(INA)
