Ndjekësit prisnin ta shihnin të vazhdontre lidhjen me Borën pas ndarjes nga Beatrix, por Donaldi, sipas dikujt që e njeh, mund të jetë kthyer me ish të fejuarën e tij.
Blogeri Olti Curri, thotë panorama.com, ka marrë një mesazh nga dikush i cili i shkruan se Donaldi është rikthyer te ish- e fejuara e tij në Milano. “Olt, mos të lodhen fansat. Donald Veshaj ndodhet tek ish e fejuara që kanë mbetur “shumë miq” në Milano”, shkruan ndjekësi.
Në rrjetet sociale, Donaldi ka treguar se pas daljes nga “Big Brother VIP” ka udhëtuar drejt Maqedonisë së Veriut, Zvicrës dhe Kosovës, por asnjëherë drejt Italisë. Teksa vërtetësia e këtij mesazhi nuk dihet, ai riktheu edhe një herë në vëmendje historinë e vjetër të aktorit.
Para se të bëhej i njohur për mediat, Donaldit thuhet se ka qenë i fejuar me një vajzë për katër vite dhe janë ndarë, pak kohë para se ai të lidhej me Bora Zemanin. Ish-e fejuara e tij quhet Sara dhe nuk është personazh publik, jeton në Milano dhe është Interior dhe Graphic Dizanjere, vazhdon panorama.com, që kujton sesi kur ishte në “Big Brother VIP”, Donaldi ka treguar në një bisedë me Beniadën se ka qenë shpesh në Milano sepse atje jetonte ish- e dashura e tij.
