Gjykata penale ka refuzuar gjitha 25 kërkesat e Prokurorisë publike për të akuzuarit e ngjarjeve të 27 prillit. Përveç pesë të akuzuarve që kthehen në paraburgim në Shutkë, për të akuzuarit e tjerë gjyqi është prononcuar se kërkesat janë të papranueshme.
“Gjykata ka refuzuar apo pjesërisht ka shfuqizuar kërkesat e Prokurorisë publike. Me këtë vlejnë masat paraprake për të cilët vendosi Supremja”, thonë nga gjykata. Me këtë deputetët Kërste Mukoski dhe Sasho Vasilevski mbeten në paraburgim shtëpiak.
