Prej sot në rrjetet sociale ka nisur një fushatë aktive në kohën kur po ndodhin ndryshimet kushtetuese në Kushtetutën e vendit, në bazë të Marrëveshjes së Prespës.
“Don’t call me 20%, I’m Albanian” (Mos më thirr 20%, unë jam shqiptar) është slogani që po shpërndahet në rrjetet sociale. Por ajo shihet se është përkrahur nga anëtarësia e ASH.
Kjo parti dhe Lëvizja Besa e Kasamit kërkojnë që përmes amendamenteve të saj që do ti propozojë në Kuvend, të shlyhet nga Kushtetuta emërtimi bashkësia etnike mbi 20% dhe në vend të saj të emërtohet “shqiptarët”. Po ashtu kërkohet ndërhyrja teknike edhe në pjesën ku thuhet “gjuha e bashkësisë etnike mbi 20%” dhe në vend të saj të jetë “gjuha shqipe”. “Fushata do të jetë aktive kundër 20% dhe në forma tjera është paralajmëruar kjo në rrjetet sociale. (INA)