Dy djem, Senad Idrizi dhe Amir Asllani janë nisur sot nga Tetova për në Haxh me biçikleta. Këta dy tetovarë u përcollën nga familjarët, shokët dhe miqtë e tyre në rrugën e tyre për në vendet e shenjta.
Rruga nga Tetova për në Mekë është 4.563 kilometra, ata gjithashtu kanë marrë mjetet e nevojshme për siguri gjatë rrugës si dhe kanë bërë kontrollet e nevojshme mjekësore para se të nisen për në vendet e shenjta Islame.
Kjo nuk është eksperienca e parë, më herët ata kanë udhëtuar me biçikleta edhe në Tiranë dhe Sarajevë.
