Teksa Europa pret dimrin dhe shumë shtete janë përfshirë nga moti i keq me reshje dëbore dhe shiu, në Australi temperaturat kanë arritur nivele përvëluese.

Byroja vendase e Meteorologjisë ka paralajmëruar se java e ardhshme pritet që temperaturat të jenë edhe më të larta.

Sipas mediave botërore, temperatura më e lartë rekord është shënuar në Sidey, ku vlerat e saj kanë shkuar deri në 42.8 gradë celsius.

“Jemi në pritje të një moti shumë të nxehtë gjatë javës që vjen, që mund të thyejë rekorde për shumë rajone të Australisë”, tha meteorologia Diana Eadie për mediat vendase./ I.M-Dritare.net