Një ministër që nuk ka punuar asnjëherë tjetër veçse si drejtor dhe zyrtar. Është ministri i Arsimit, Jeton Shaqiri, i cili po përballet me një emërim kontrovers si asistent në “universitetin i Merkos” në Strugë. Është ky ministër që duhet të rregullojë arsimin, i cili herë pas here, sepse publiku është më shumë i interesuar për politikë se sa për arsim, do të na shokojë dhe do të na bëjë të kuptojmë sa analfabetë jemi.
Ministri i Arsimit, Jeton Shaqiri, është shprehur i zhgënjyer me rezultatet që kanë dhënë nxënësit e shkollave fillore në provimin pranues në gjimnazin “Orce Nikolov”, sipas të cilit, nga gjithsej 292 nxënës, vetëm 11 kanë marrë A. Ai tha se kjo tregon pasqyrën reale të sistemit arsimor dhe kërkoi të shqyrtohen arsyet pedagogjike dhe psikologjike të rezultateve të tilla.
Biografia e pasur e ministrit të ri tregon se ai ishte aq i suksesshëm dhe i talentuar, sa përveç drejtorit dhe ministrit, nuk bëri asgjë tjetër.
Në vitet e listuara në faqe, ka një vit të diskutueshëm, dhe ai është 2016. Sipas biografisë, prej datës 29 nëntor 2016 është profesor asistent që jep një grup lëndësh nga fusha e shkencave ekonomike në Universitetin Ndërkombëtar në Strugë, ku ndërtoi karrierën e tij shkencore, shkruan fokus.mk.
Pikërisht Universiteti i Strugës është i lidhur me kryetarin aktual të Komunës së Strugës, Ramiz Merko, i cili është lidhur me dhënien e diplomave të falsifikuara.Afera me diplomat e Universitetit të Strugës shpërtheu kur në vitin 2018, Ilievski së bashku me një tjetër inspektor, u përjashtuan nga universiteti ku duhej të kryenin kontroll të përsëritur.për të përcaktuar zbatimin e një vendimi gjyqësor të marrë në vitin 2015 pas kallëzimit të Ministrisë së Brendshme për ekzistencën e diplomave të falsifikuara në universitet, përcjell IndeksOnline.mk.
Pas raportit të MPB-së nga viti 2015, inspektorët kanë bërë vëzhgime dhe kanë konstatuar se janë qindra studentë nga jashtë (nga Turqia) që kanë studiuar në MUS, të cilët janë regjistruar pa u nostrifikuar diploma në Maqedoni, nga arsimin e mëparshëm që e kanë marrë në vendin e tyre.
Gjatë inspektimit janë përjashtuar inspektorët dhe deri më sot Universiteti funksionon pa asnjë sanksion.
Inspektorët shkonin rregullisht tek Merko, por gjithçka ishte në rregull!
Inspektorët e Inspektoratit Shtetëror Arsimor, pas incidentit të ndodhur në Universitetin Ndërkombëtar të Strugës në vitin 2018, kanë kryer rregullisht kontrolle atje, por gjithçka ka qenë e pastër.
Kjo mund të konkludohet nga përgjigjja që na dha Inspektorati Shtetëror i Arsimit për pyetjet që ne i dërguam kur u krye inspektimi i fundit në këtë universitet pas incidentit dhe nëse u konstatuan parregullsi.
Në periudhën nga viti 2018 deri në vitin 2022, Inspektorati Shtetëror Arsimor ka kryer pesë inspektime të rregullta për këto arsye:
– regjistrimi i studentëve në ciklin e parë, të dytë dhe të tretë, mbajtja e regjistrit dhe librave kryesorë për ciklin e dytë dhe të tretë të studimeve, përzgjedhja në pozita mësimore-shkencore dhe bashkëpunëtore, ndalimi dhe parandalimi i veprimtarisë së paregjistruar sipas Ligjit për Ndalimin dhe Parandalimin e veprimtarisë së paregjistruar.
Gjatë kësaj periudhe janë kryer edhe tetë inspektime të jashtëzakonshme në lidhje me:
– pedagogë të punësuar, kontrollim të dosjeve të studentëve, kontrollim të të dhënave studentore, vendbanimit të studentëve të huaj, si dhe për ngritjen e organit të themeluesit, thuhet në përgjigjen, ku nuk thuhet saktësisht nëse janë konstatuar parregullsi apo jo.
Në krye të Inspektoratit Shtetëror të Arsimit, në vitin 2020 është emëruar Ardian Musliu, staf i BDI-së, kështu që tani po del se të gjitha parregullsitë në arsim i kontrollon BDI-ja, me ministrin e saj dhe personat kyç në inspektorat, përfundon analiza e FOKUS-it, përcjell IndeksOnline.
