Njerëzit që në organizmin e tyre kanë gjenin specifik Adamts7 janë më të rrezikuar nga sulmi në zemër. Nga ana tjetër, njerëzit me grup gjaku 0 që kanë në organizëm gjenin e lartpërmendur nuk përballen aspak me këtë rrezik
Për vite me radhë shkencëtarët kanë qenë skeptikë ndaj idesë se grupi i gjakut mund të ndikojë fort në predispozitën e sëmundjeve të caktuara. Megjithatë, shumë studime të kohëve të fundit kanë treguar se grupi i gjakut na bën më të predispozuar ndaj një sëmundjeje të caktuar. Për më tepër, është pikërisht grupi i gjakut që mund të luajë rol mbrojtës ndaj tyre. Studiuesit në Universitetin e Pensilvanisë arritën në këtë konkluzion pasi analizuan të dhënat e mbi 20.000 pacientëve. Studimi i cili do të publikohet së shpejti në revistën “Lancet” ka nxjerrë në pah fakte shumë interesante. Për shembull, njerëzit që në organizmin e tyre kanë gjenin specifik Adamts7 janë më të rrezikuar nga sulmi në zemër. Nga ana tjetër, njerëzit me grup gjaku 0 që kanë në organizëm gjenin e lartpërmendur nuk përballen aspak me këtë rrezik.
Grupet e gjakut të njeriut dhe sëmundjetLAJME TË NGJASHMEShk 14, 2021
Grupi i gjakut të njeriut përcaktohet nga gjenet e trashëguara prej prindërve. Gjaku i njeriut kategorizohet në grupet A, B, AB dhe O. Ajo që bën dallimin në secilin prej grupimeve është një substance e quajtur antigen. Kjo substancë shërben edhe si sistem për mbrojtjen e imunitetit. Çdo grup gjaku ka pikat e veta më të forta kundër sëmundjeve të caktuara, por edhe dobësi të mëdha. Ekspertët suedezë kanë analizuar të dhënat e mbi një milionë njerëzve. Ata kanë arritur në konkluzionin se njerëzit me grup gjaku A mund të jenë më të brishtë ndaj sëmundjeve gastrike. Ndërkohë ata me grup gjaku 0 mund të jenë më të prirur të preken nga ulcera peptike. Gratë me grup gjaku 0 kanë një numër të ulët dhe cilësi të dobët të vezëve, gjë që ndikon në gjasat e një shtatzënie. Një studim tjetër i universitetit të Harvardit, zbuloi se gratë që kanë një grup gjaku B apo AB janë më të rrezikuara nga problemet me vezoret. Burrat me grup gjaku 0 janë më të prirur të shtojnë në peshë dhe të jenë obezë.
Sëmundjet e zemrës
Një studim i universitetit të Vermontit ka zbuluar se njerëzit që nuk kanë grup gjaku 0 janë 60-80 për qind më të rrezikuar nga tromboza. Grupet e gjakut, A, B dhe AB janë më të rrezikuar nga sëmundjet e zemrës se grupi 0. Studimet e lartpërmendura kanë zbuluar se njerëzit me grup gjaku AB janë 82% më të prirur të vuajnë nga problemet me kujtesën dhe të menduarit. Një gjë e tillë mund të nxisë shfaqjen e sklerozës. Ju rikujtojmë se për sëmundjet e caktuara ndikojnë edhe shumë faktorë të tjerë gjenetikë, mjedisorë apo personal. Grupet e gjakut janë ende nën vëzhgimin e studiuesve për sa i përket lidhjes së tyre me sëmundje të caktuara.
