Në Spitalin e Përgjithshëm në Dibër dy persona të huaj të kafshuar nga gjarpri janë shpëtuar me serum kundër helmit të gjarprit.
Një person është sjellë nga fshatrat fqinjë të Shqipërisë, pasi klinikat atje nuk kishin serum. Nëse një serum i tillë nuk merret brenda një periudhe prej tre deri në katër orë, ndodh vdekja.
Drejtori i spitalit, Yetlumt Pasholi, thotë se spitali ynë është më afër se spitali rajonal në Peshkop, kështu që ndihma e nevojshme ofrohet më shpejt dhe në kohë.
Një shtetas holandez derisa këtyre ditëve ishte për pushime në Ohër është kafshuar nga një gjarpër.
Ai në gjendje të rënduar shëndetësore është sjellë me urgjencë në Spitalin e Ohrit, por fatkeqësisht autoritetet e spitalit kanë theksuar se nuk kanë ilaç serum.
Kjo situatë ka bërë që të kërkohet ndihmë në spitalet tjera dhe spitali i Dibrës ka qenë adresa shpëtimtare, përcjell INA.
“Për rastin na telefonuan kolegët e spitalit të përgjithshëm nga Ohri të cilët nuk kishin serum në dispozicion dhe ne menjëherë dolëm në ndihmë. Koha ishte në pikëpyetje dhe nuk na lejoi ta çonim serumin në Ohër, për këtë shkak pacientin e sollën me autoambulancë nga spitali i Ohrit, morën antiviperin dhe u kthyen sërish në Ohër”, ka deklaruar drejtori i spitalit të Dibrës, Jetlum Pasholli.
Duke marrë parasysh periudhën e shfaqjes së gjarpërinjve, Pasholli thotë se ata kanë marrë me kohë serumin e nevojshëm.
Një rast tjetër shpëtimi ka ndodhë edhe me një shtetas të Shqipërisë, që nga Peshkopia është sjellë për trajtim në Spitalin e Dibrës.
