Sot në hapësirat e Komunës së Strugës, Shtabi i krizave të Komunës së Strugës mbajti mbledhje në lidhje me lehtësimin e masave sa i përket sektorit të turizmit, bizneseve lokale, transportit publik dhe orës policore.
Gjatë mbledhjes u sollën këto konkluzione:
- Të parashtrohet kërkesë deri tek Shtabit Qëndror dhe në Qeveri që të sjelle vendim për hapjen e bizneseve perkatesisht hapjen e lokaleve, restoranteve dhe hoteleve për arsye se qyteti i Strugës njihet si qytet turistik, ku turizmi eshtë një ndër sektorët më të rëndësishëm nga i cili mvaren nje numër i madh i qytetarëve te komunes se Strugës.
2.Të shkurtohet ora policore, të sillen masa më të buta gjithmonë duke marrë parasysh shëndetin publik.
- Të hapet vendkalimi kufitar Qafë Thanë në kufi me Republikën e Shqipërisë, meqënëse një numër i konsiderueshëm i punonjësve të bizneve lokale vinjë nga shteti fqinjë.
- Transporti linjor komunal i udhëtarëve të fillojë të funksionojë rregullisht, në përputhje me rekomandimet ose masat mbrojtëse të Qeverisë.
- Për arsye se deri më tani masat dhe rekomandimet e Qeverisë janë respektuar, kërkojmë nga Qеveria të falen disa persona të cilat kanë bërjë shkelje të masës për ndalesë të lëvizjes në territorin e Komunës së Strugës, duke marrë parasysh se procedura e lëshimit të lëvizjes ishte e paqartë për një numër të madh qytetarësh.
Zyra për marrëdhënie me publike,
Komuna e Strugës