Në seancën e sotme të qeverisë, mes tjerash, mund të fillojë edhe emërimi i drejtorëve të propozuar nga koalicioni VLEN. Edhe pse palët mes koalicionit nuk kanë konfirmuar se si do të jetë proporcioni ndarjes së pozitave mes partive, ajo që dihet është se nga numri i përgjithshëm i drejtorive, VLEN-it i takojnë 30%, sipas marrëveshjes së koalicionit qeveritar.
“Sa i përket pozicionimit të VLEN-it brenda qeverisë dhe ndarjes së pozicioneve brenda VLEN-it jemi në përfundim e sipër dhe besoj se veçmë nga kjo mbledhje e qeverisë mund të nisë edhe emërimi i kuadrove të VLEN-it në qeverinë e ardhshme”, tha Bilall Kasami, Koalicioni VLEN.
