Shqipëria këtë verë pritet të përjetoj një ‘boom’ turistik. Autoritetet shtetërore por edhe ato shëndetësore kanë vlerësuar se është koha për të bërë lehtësimet.
“Komiteti teknik i ekspertëve në kuadër të Qeverisë mendon se ka vend për lehtësim të masave, duke filluar nga 1 qershori do të hiqet detyrimi për mbajtjen e maskës (barrierës mbrojtëse) në ambientet e jashtme, por do vijojë të mbahet në ambientet e brendshme dhe transport publik. Ora policore nga 22:00 do të kalojë më 1 qershor në 23:00”, theksoi Komiteti i Ekspertëve.
Masat që lehtësohen duke filluar nga 1 Qershori:
-Hiqet detyrimi për mbajtjen e maskës barrierës mbrojtëse në ambientet e jashtme.
-Do vijojë të mbetet detyrimi i mbajtjes së maskës në ambientet e mbyllura si dhe në mjetet e transportit publik.
-Rekomandohet mbajtja e maskës kudo ku nuk mund të ruhet distancimi social si edhe për ata që ende nuk kanë bërë dy dozat e vaksinës që konsiderohen persona në risk.
-Ora policore shtyhet në orën 23:00 -06:00.
-Klubet e natës, diskot, vijojnë të mbeten të mbyllura. Muzika do lejohet deri në orën 22:00.
