Hysni Peqani që njihet në publik me emrin “Burdushi” është liruar sot nga burgu.
Këtë e ka bërë të ditur avokati i tij, Asdren Hoxha, që publikoi edhe një fotografi të tij në Facebook, njofton Klan Kosova.
Gjykata e Prizrenit më 8 nëntor të vitit të kaluar e kishte gjetur fajtor për mashtrim “Burdushin”. Ai ishte dënuar me një vit burgim dhe gjobë në shumën prej 5 mijë euro. Atij po ashtu i ishte ndaluar edhe ushtrimi i profesionit në kohëzgjatje prej tre vjetësh.
Gjykata e Apelit e kishte kthyer në rigjykim rastin e ‘Burdushit’ pasi që Gjykata e Prizrenit e kishte shpallur fajtor në nëntor të vitit 2018 dhe e kishte dënuar me një vit burgim efektiv dhe gjobë 1,500 euro.
