Burime brenda BDI-së për Agjencinë e Lajmeve “Zhurnal” i kanë quajtur spekulime tendencioze shkrimet e fundit se gjoja zëvendës kryeministri i Maqedonisë, Hazbi Lika mund të largohet nga BDI dhe t’i bashkohet Lëvizjes Besa.
“Janë manipulime në fushatë zgjedhore të gjitha shkrimet e tilla tendencioze”, theksojnë brenda BDI-së.
Ndryshe, mediat në gjuhën maqedonase kanë shkruar se Hazbi Lika po negocion me Lëvizjen Besa që pas zgjedhjeve presidenciale të kalojë në taborin e tyre si shenjë pakënaqësie me trajtimin dhe punën e qeverisë sa i përket Marrëveshjes së Ohrit.
