Lidhur me kërkesën e kryetarit të Prilepit për vendosjen e karantinës në këtë qytet, zëdhënësi i Qeverisë, Dushko Arsovski sot tha se në Prilep situata është alarmante dhe të premten Komisioni për sëmundje infektuese do ta shqyrtojë këtë si problem.
“Duhet që atje të dalin hapat vijues, mënyrat, masat dhe çfarë do të ndërmerret në Prilep që të zvogëlohet përqindja e të infektuarve me Kovid-19”, shtoi Arsovski, duke iu përgjigjur pyetjes së gazetarëve në konferencën për shtyp të Qeverisë.
