Paralajmërohet rikthimi i orarit të punës për kafenetë deri në ora 21:00
Ministri i Shëndetësisë, Venko Filipçe sot në një deklaratë të dhënë për media u shpreh se objektet hotelerike do të mund ta kthejnë orarin e punës deri në ora 21:00, vetëm në rast gjendja epidemiologjike mbetet stabile siç është për momentin, njofton SHENJA.
“Konkretisht mund të them se hoteleritë do të kthehen në orarin e punës deri në ora 21:00. Po e ndjekim gjendjen se si po zhvillohet dhe sipas analizave, në të ardhmen do të vendosim nëse do të ketë kufizime shtesë”, theksoi Filipçe. 
