Prej muajsh, një pjesë e bregut të Liqenit të Ohrit në Strugë po shembet. Megjithëse situata po bëhet alarmante, askush nga autoritetet kompetente nuk ndërmerr masa për të riparuar bregun. Bëhet fjalë për lokalitet të frekuentuar, prej ku kalojnë çdo ditë një numër i madh qytetarësh
Jo vetëm që nuk ndërmerret asgjë, por kjo pjesë e bregut që është shembur, nuk është as i shënuar. Sezoni turistik po vjen, kështu që frekuenca e njerëzve këtu do të jetë e madhe.
Qytetarët thonë se nga një dallgë më e madhe edhe ajo ka mbetur do të shkatërrohet.
