PUNËTOR NGA BALLKANI: „Në Gjermani fitoj 2,200 euro, ja sa më mbeten kur të paguaj gjithçka“
Shumë njerëz pyesin se sa janë kostot e jetesës sot në vendet e Bashkimit Evropian. Informacionet dhe mendimet shpesh janë kontradiktore.
Por, çfarë mund të bëhet me 2200 euro në Gjermani?
Një ballkanas postoi në Facebook sa është paga e tij mujore në Gjermani dhe sa para i mbeten pasi të paguajë të gjitha detyrimet mujore.
Në postimin e tij në Facebook, ai thekson se fiton 2,200 euro në muaj, nga të cilat 700 euro për qira, 200 për makinë, 50 për karburant, 400 për ushqim (kjo është shpenzim për një person, jo për një familje katëranëtarëshe, por gjithsesi duket shumë pak, n. a.), 300 për kredi dhe sigurim, 100 për telefon celular, dhe nën kategorinë të ndryshme ai thotë se shpenzon edhe 200 euro. Sipas kësaj llogaritjeje, atij i mbeten 250 euro për të “mbijetuar”.
Një video e shkurtër për pagën mujore dhe shpenzimet e jetesës në Gjermani ka mbledhur mbi 2,000 komente shpesh kundërshtuese.
Disa pretendojnë se “jeta në Gjermani nuk është më e mirë”, të tjerë pyesin kush shpenzon kaq shumë para për kredi. U shfaqën edhe disa që jetojnë në vende të tjera, shkruan Nacional.
“Kur jetoja në Bosnjë…
“Unë dhe gruaja ime jetojmë në Austri me 3,500 euro. Pas të gjitha faturave dhe shpenzimeve, na mbeten mjaftueshëm për të shkuar çdo vit në liqen, për një pushim katër-javor dhe jetojmë shumë mirë”, “Ndërsa jetoja në Bosnjë isha gjithmonë në minus”.
Shumë nisën të krahasojnë pagat dhe kostot e jetesës në Ballkan me ato jashtë vendit. U paraqitën edhe disa teori interesante.
“Rroga në Serbi është 700 euro, dhe kostot e jetesës janë më të larta sesa në Gjermani”, shkroi njëri.
Të tjerë kundërshtuan: “Ata që mburren se jeta është e mirë atje, gënjejnë si qen, unë isha një vit atje dhe u ktheva me më shumë borxhe sesa kisha”.
Arrijnë të kursejnë mirë
U përgjigjën edhe ata që, përveç se jetojnë mirë jashtë vendit, arrijnë të kursejnë mirë. “Këto të dhëna janë të rreme. Unë dhe burri im fitojmë mbi 6,000 euro. Për banesë me shërbime paguajmë rreth 1,500 euro. Rreth 1,500 shkojnë për ushqim. Na mbetet një pagë për kursime dhe udhëtime!”
Disa mendojnë se lakmia për makina të shtrenjta është problemi kryesor.
“Problemi në Ballkan është se sapo të mbërrijnë në Perëndim, duhet të blejnë menjëherë një makinë të shtrenjtë dhe ky është gabimi i parë.
Ja edhe disa komente në Facebook:
“Shikoj që të gjithë janë kthyer në Ballkan sepse janë të sëmurë.”
“Thjesht dua t’i pyes ata që shpenzojnë 1,500 euro në muaj për ushqim – çfarë hani? “Ne nuk kemi kredi, as pagesa për makinë, dhe paga jonë është më shumë se 2,000 euro, dhe ne të dy nuk mbijetojmë, por jetojmë mirë”, “Jam shumë mirë, kam dy vite në Gjermani dhe kam kursyer para për të cilat vetëm mund të ëndërroja në Serbi.”, “Nëse është kaq e vështirë për ty, atëherë kthehu…”
