Kryetari i Aleancës për Shqiptarët, Zijadin Sela e ka refuzuar ftesën e Kryetarit të LSDM-së Zoran Zaev për takim në lidhje me kandidatin e përbashkët për president.

Nga Aleanca për Shqiptarët kanë theksuar se takimi është anuluar për shkak të heqjes së kompetencave të kryetarit të Komunës së Gostivarit Arben Taravari dhe për këtë arsye nuk kanë për çka të ulen në bisedime.

Që takimi është anuluar e kanë konfirmuar edhe nga LSDM, të cilët kanë theksuar se Sela fillimisht e ka pranuar ftesën dhe pastaj ka ndryshuar mendje.