Një grua 37-vjeçare në Afrikën e Jugut ka lindur 10 fëmijë. Mediat e huaja raportojnë se Gosiame Thamara Sithole ka lindur shtatë djem dhe tre vajza, nga një shtatzëni e vetme.
Gosiame Thamara Sithole besohet se ka lindur shtatë djem dhe tre vajza, të cilët u ngjizën natyrshëm në qytetin e Pretoria në qershor. Nëse kjo është e vërtetë, ajo tani ka thyer rekordin e vendosur nga Halima Cisse nga Mali, e cila lindi nëntë fëmijë në një spital në Marok në maj.
Mjekët fillimisht i kishin thënë asaj se priste gjashtë fëmijë para se skanimet e mëvonshme të rishikonin shifrën deri në tetë. Ajo gjithashtu kishte shprehur shqetësimin se fëmijët e saj të palindur nuk do t’i mbijetojnë shtatzënisë me rrezik të lartë. Sidoqoftë, të gjithë kanë lindur të gjallë dhe do t’i kalojnë muajt e ardhshëm në inkubatorë para se ajo dhe burri i saj, Teboho Tsotetsi t’i marrin ata në shtëpi.
