Policia e Stokholmit, Suedi, ka njoftuar se një 60-vjeçar dhe një grua 45-vjeçare janë plagosur gjatë një shpërthimi që ka ndodhur sot në stacionin e metrosë Varby Gard në distriktin Huddinge.
Burri thuhet se është në gjendje të rëndë në spital. Zyrtarët thanë se dyshohet se ai u plagos kur mori një objekt, me shumë gjasa nëj granatë drore, e cila i shpërtheu në duar. Gjendja e viktimës së dytë nuk dihet ende.
Policia ka rrethuar zonën dhe ka nisur hetimin. Një pjesë e metrosë është mbyllur.
Zëdhënësi i Zjarrfikësve, Lars-Ake Stevelind tha se “dikush ka përdorur eksplozivë. Nuk dimë më shumë se kaq.”
Charlote Bergstrom, një banore e zonës, tha se apartamenti i saj ishte lëkundur nga shpërthimi. “Ishte zhurmë e fortë” tha ajo.
Një shitës i zonës, Abdullah Ozmen, tha se ai dëgjoi shpërthimin dhe pastaj pa çiftin e plagosur në tokë.
“Dëgjuam shpërthimin. Kur dolëm jashtë, pamë njerëzit e shtrirë në tokë.”
