Dalin në dritë detaje të reja nga krimi që tronditi Athinën paraditen e sotme ku një shqiptar dyshohet se theri për vdekje gruan e tij në apartamentin e tyre për xhelozi.
Mësohet se çifti 40 vjeç dhe viktima 31- vjeçe ka një fëmijë 8-vjeçar.
Fqinjët e tyre dëshmojnë për mediat greke se ata ishin një çift që kishin shpesh grindje në marrëdhëniet e tyre.
Sipas një banori, më 11 korrik çifti u grindën aq shumë sa ajo shkoi aq larg sa të raportonte incidentin në polici.
“Ata kanë jetuar pikërisht këtu në apartamentin tjetër për të paktën dy vjet. Ata ishin një çift që shpesh ziheshin, asgjë e papritur nuk ndodhi. Më 11 korrik, kisha paraqitur një ankesë në polici sepse ata u përleshën atë ditë dhe u dëgjuan deri në banesat tona”, u shpreh ai.
Policia shkoi paraditen e sotme në apartamentin e katit të 3 -të dhe e gjeti të vdekur gruan në shtrat në një pellg gjaku. Autori i dyshuar i krimit po mbahet në paraburgim dhe do të dërgohet para drejtësisë.
