Sonte në ClickPlus në TV21 është e pranishme drejtoresha e Klinikës për anestezion, reanimim dhe mjekim intensiv, Maja Mojsova. Ajo ka treguar në mënyrë kronologjike ngjarjen e vdekjes së hendbollistit kroat të klubit “Butel”, Denis Tot.
Ajo tha se kanë marrë njoftim se ka person që është i shtrirë në trotuar.“Në ora 03:45 është bërë kompjuteri, në ora 03:25 është sjellë pa aktivitet të zemrës. Pati aso spekulime, por sulm në zemër nuk është… aktivitet i zemrës, nuk ka marrë frymë… Kolegia që është thirr, kur e ka parë, menjëherë ka reaguar për ta ngjallur, e ka lidhur gypin për frymëmarrje, ka filluar aktiviteti i zemrës. Janë dhënë mjekime, ka qenë në hamendje për pamjen e përgjithshme, por ka qenë e re, bëhet fjalë për person të ri dhe aksioni është gjithmonë më i madh. Ka fituar aksion të zemrës dhe tension. Tensioni i gjakut është i rëndësishëm pasi bën që të gjitha organet të aktivizohen”, sqaroi Mojsova.
Ajo sqaroi se meqë ka qenë vdekja e paqartë, kanë arritur të kryejnë tomografi të gjithë trupit.
Shtoi se vdekja ka qenë e dyshimtë dhe për këtë është denoncuar në Ministrinë e Punëve të Brendshme.
“Ne çdo vdekje nuk e denoncojmë në MPB. Vijnë njerëz me sëmundje, por kjo ishte e dyshimtë. Është gjetur diku në një kohë të papërshtatshme dhe për këtë është denoncuar në MPB”, tha më tej Mojsova.
