Shqipëria këtë vit do të përfaqësohet në Eurovizion nga Anxhela Peristeri. Ajo garon me këngën Karma me tekst të Olti Currit dhe muzikë të Kledi Bahitit.
Natën e sotme në gjysmë finale e dytë, Peristeri do të performojë e 11 në radhë.
Pavarësisht mbështetjes së madhe që ka marrë në rrjetet sociale, për të kaluar në finale, këngëtarja shqiptare ka nevojë për vota. Të gjithë ata që janë jashtë kufijve të Shqipërisë, mund ta votojnë në numrat përkatës sipas shteteve, me kodin 11.
Kujtojmë se Shqipëria, rezultatin më të mirë në Eurovizion e ka arritur me Rona Nishliun, e cila me këngën Suus, arriti të renditet e pesta. Më pas vjen Anjeza Shahini, e cila në 2004, u rendit e 7, me këngën Imazhi yt. Urojmë që Peristeri, ta shënojë një tjetër arritje për Shqipërinë në këtë Eurovizion.
