Një dasmë e organizuar në oborrin e një shtëpie private në St. Louis të SHBA u shndërrua në makth, kur dy burra të maskuar u futën në pronë dhe qëlluan me revole në kokë dhëndrin, ka njoftuar policia amerikane.
Tani 32-vjeçari Francisco Gonzalez po lufton për jetë në spital. Të shtënat ndodhën të shtunën derisa po zhvillohej ceremonia e martesës.
Sipas policisë në St. Louis, dhjetëra dasmorë ishin mbledhur në oborrin e shtëpisë, kur dy burra të veshura me rroba të skijimit u futën në pronë dhe filluan grabitjen.
Policia tha se njëri prej të dyshuarve u ishte afruar dasmorëve, duke ua kontrolluar xhepat, derisa tjetri mbante revolen në dorë duke qëndruar prapa Gonzalezit që ia kishte drejtuar revolen në kokë.
Yaribeth Pena, motra e nuses tha se ajo kishte vrapuar për të kërkuar ndihmë momentin kur burri i maskuar u fut në oborr.
“Ishte moment i tmerrshëm”, tha ajo.
Pena theksoi se kishte dëgjuar të shtëna dhe pa se dhëndri i saj ishte qëlluar me plumb në kokë. Ai tani po lufton për jetë në spitalin e qytetit.
Dyshja janë së bashku për më shumë se një dekadë dhe kanë dy fëmijë.
“Ai është njeri familjar. I do shumë fëmijët e di dhe do të bënte gjithçka për ta”, shtoi Pena.
Kamerat e sigurisë kishin kapur shkurt dy burra duke ecur drejt shtëpisë dhe më pas duke u larguar me shpejtësi.
Deri më tani policia nuk ka arrestuar asnjë të dyshuar lidhur me këtë sulm.
