Ditë e Premte – 14 . 12 . 2018
Kjo është ajo Ditë që iu bë kurorë vitit të përzgjedhur, si vit i Heroit tonë Kombëtar – Gjergj Kastriotit Skënderbeut, me rastin e 550 vjetorit të ngritjes në përjetësi!
Kjo është ajo Ditë që i bëri vend vetes në mesin e Ditëve më të Mëdha dhe më të Shenjta
të kalendarit të përgjakshëm të Kombit Shqiptar!
Kjo është ajo Ditë e Madhe që historia i përcaktoi fatin Kombit të Madh Shqiptar, të qëndrojë krenar në anën e më të Mëdhenjve – Miq dhe Aleatë të planetit, në krye me Sh. B. A – të.
Kjo është ajo Ditë që na jep të drejtë të derdhim nga një grusht lotë nga malli e krenaria, pa
u frikësuar se po zhburrërohemi!
Kjo është ajo Ditë që i ka themelet në gjakun e Jasharajve dhe në gjakun e të gjitha bijave dhe bijve të Ushtrisë Çlirimtare të Kosovës!
Kjo është ajo Ditë që Nënën Shqipëri e bëri me Dy Kreshtë!
Urime motra dhe vëllezër, urime Shqipëri!
