Të tjera detaje janë zbardhur nga arrestimi i tre të rinjve, të cilët akuzohen për vrasjen e 50-vjeçares Drita Saliaj në fshatin Gjerbë të Mallakastrës.
Si fillim, nipi i burrit të viktimës dhe dy miqtë e tij, bashkëpunëtorë në ngjarjen e rëndë, kanë pranuar krimin në Polici.
Përveç kësaj, ata kanë rrëfyer edhe detaje, ku konkretisht është zbardhur deklarata e 16 vjeçarit Luis Saliajit.
Ai ka thënë para efektivëve se donte që të merrte vetëm paratë, por gruaja i ka njohur dhe aty doli situata jashtë kontrollit.
Më pas, ai lutet që ta falin pasi burgun e ka shumë frikë.
16-vjeçari rrëfeu:
Ne donim vetëm të merrnim paratë se na duheshin por ajo më njohu dhe filloi të bërtiste. Ne u trembën se mund të na gjente Policia brenda duke vjedhur. Se kishim menduar që do të vrisnin. Na doli jashtë kontrollit situata. Ju lutem, më falni se e kam frikë burgun.
Përveç fjalëve, thuhet se nipi është parë me lot në sy kur është shoqëruar në Polici.
Vrasjen e gruas e kanë pranuar edhe dy shokët e tij, të cilët kanë zbuluar se ishte nipi i gruas ai që kishte informacione se ajo kishte para në shtëpi dhe se i kishte informuar në momentin kur shtëpia ishte pa njeri.
