Ministri për vetëqeverisje lokale Suhejl Fazliu, së bashku me Shefin e Delegacionit të Bashkimit Evropian, Samuel Zhbogar dhe Përfaqësuesja e përhershme e UNDP-së, Louisa Vinton, sot, në Strugë, do ta hapë Forumin dy-ditorë “Decentralizimi përsëri në fokus” në të cilin do të marrin pjesë kryetarët e të gjitha 80 komunave.
Konferenca do të mbahet në hotel Izgrev-Strugë, duke filluar në orën 16.00.
Në Konferencë do të marrë pjesë edhe kryetari i Qeverisë së Republikës së Maqedonisë, Zoran Zaev, prania e të cilit është konfirmuar për ditën e dytë, më 1 dhjetor, në sesionin Dialog me kryeministrin , nga ora 11.00 deri në ora 13.00-të.
